ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ფრანგი ევროპარლამენტარი, ნატალი ლუაზუ ეხმაურება “ქართული ოცნების” პრემიერ-მინისტრის, ირაკლი კობახიძის განცხადებას, როცა მან ევროკავშირის ბიუროკრატია საბჭოთა კავშირს შეადარა. ლუაზუ წერს, რომ ის, რასაც “ოცნება” საქართველოში აკეთებს  – მშვიდობიანი აქციის მონაწილეების დაპატიმრება, მედიასა და ოპოზიციაზე ზეწოლა – სწორედ საბჭოთა მეთოდებია და არა ევროკავშირის პრაქტიკა.

“თუ “ქართული ოცნების” პრემიერ-მინისტრს არ მოსწონს საბჭოთა კავშირი, რატომ აკოპირებს მის მეთოდებს – აპატიმრებს მშვიდობიან დემონსტრანტებს, აჩუმებს დამოუკიდებელ მედიას და ოპონენტებს გაყალბებული არჩევნების შემდეგ? მსგავსი რაღაცები ევროკავშირში არ ხდება.

ისე, სხვათა შორის, ის არ ცდილობდა საქართველოს ევროკავშირში გაწევრიანების მხარდაჭერას იქამდე, სანამ გადაიფიქრებდა და საქართელოს მომავალს არ წაართმევდა?”, – წერს ლუაზუ.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.