ახალი ამბები

შავ ზღვაში ჩაძირული გემის ბორტზე საქართველოს ერთი მოქალაქე იმყოფებოდა

19 აპრილი, 2017 • 3575
შავ ზღვაში ჩაძირული გემის ბორტზე საქართველოს ერთი მოქალაქე იმყოფებოდა

შავ ზღვაში სატვირთო გემი ჩაიძირა, რომლის ბორტზეც 12 ადამიანი იმყოფებოდა. ეკიპაჟს შორის იყო საქართველოს ერთი მოქალაქეც.  ბორტზე ასევე იმყოფებოდა რუსეთისა და უკრაინის 2-2 მოქალაქე. ინფორმაციას რია ნოვოსტი ავრცელებს.

პანამის დროშის ქვეშ მცურავი გემი სავარაუდოდ უამინდობის გამო ჩაიძირა. გავრცელებული ინფორმაციით, მაშველებმა ეკიპაჟის 5 წევრის გადარჩენა შეძლეს, დანარჩენები კი დაკარგულად ითვლებიან – სამაშველო მოქმედებები ამ დრომდე გრძელდება.

როგორც საზღვაო ტრანსპორტის სააგენტოს დირექტორის მოადგილე, ვახტანგ მიქელაშვილი ტელეკომპანია “იმედისთისთვის” მიცემულ ინტერვიუში ამბობს, გემი გუშინ, გვიან ღამით ჩაიძირა:

“საქართველოს მოქალაქე არის ეკიპაჟის ერთი წევრი, მაგრამ დასაზუსტებელია დეტალები მასთან დაკავშირებით,” – ამბობს მიქელაშვილი.

პანამის დროშის ქვეშ მცურავ გემს სახელწოდებით “გეროი არსენალა”  რუსეთიდან, აზოვის პორტიდან თურქეთის მიმართულებით მარცვლეული გადაჰქონდა.

მასალების გადაბეჭდვის წესი