შსს აცხადებს, რომ ოპერატიული ინფორმაციის საფუძველზე დაკავებულია ბათუმში, პუშკინის ქუჩაზე მდებარე სასტუმრო „ანა”-ს მეპატრონე. აღნიშნული სასტუმრო 4 წლის განმავლობაში ფუნქციონირებდა. დაკავებული წარსულში ნასამართლევია და დაკავების მომენტში პირობითი მსჯავრის ქვეშ იმყოფებოდა.
სამართალდამცველებმა ბათუმში, იმედაშვილის ქუჩაზე მდებარე სასტუმრო „მირიანი”-ს მფლობელიც დააკავეს. მის მფლობელობაში არსებული სასტუმრო 2 წლის განმავლობაში ფუნქციონირებდა.
გამოძიების მსვლელობისას მოწმის სტატუსით აღნიშნულ სასტუმროებში მყოფი ქალბატონებიც დაიკითხნენ. ორივე ბრალდებულის მიმართ სისხლის სამართლის საქმე 254-ე მუხლით აღიძრა, რაც ჯარიმას ან ორიდან ოთხ წლამდე თავისუფლების აღკვეთას ითვალისწინებს. დაკავებულები ბათუმის დროებითი მოთავსების იზოლატორში არიან გადაყვანილი.
