საქსტატის წინასწარი მონაცემებით, 2017 წლის იანვარი-თებერვლის საშუალო რეალურმა ეკონომიკურმა ზრდამ 4,8 პროცენტი შეადგინა.
2012 წლის იანვრიდან საქსტატი ყოველთვიურად აწარმოებს ეკონომიკის ზრდის ყოველთვიურ წინასწარ შეფასებებს, რომელიც იანგარიშება უწყებრივი სტატისტიკის (დღგ-ის გადამხდელი საწარმოების ბრუნვების, ფისკალური და მონეტარული მონაცემების) საფუძველზე.
“დღგ-ს მარტის თვის ბრუნვებშიც კარგი მაჩვენებლები გვაქვს”, – აცხადებს ფინანსთა მინისტრი დიმიტრი ქუმსიშვილი, რომელიც დარწმუნებულია, რომ წლიური დაგეგმილი პარამეტრები – ეკონომიკის 4%-ანი ზრდა წარმატებით შესრულდება.
საქსტატის ცნობით, ყოველთვიურად შესაძლებელია მოხდეს წინა თვეების დღგ-ის გადამხდელი საწარმოების ბრუნვების კორექტირება, რაც, შესაბამისად, რეალური ზრდის ყოველთვიური წინასწარი შეფასების მონაცემის კორექტირებასაც იწვევს.
2017 წლის ეკონომიკური ზრდა, წინასწარი მონაცემები
