ინფორმაციას მისი თანამდებობიდან დათხოვნის თაობაზე არც კოდუას დედა – ლაურა ღაჭავა ფლობს. მისი თქმით, ის ტელეფონით ვერ უკავშირდება ერეკლეს, თუმცა ესაუბრა მეორე ვაჟს – გიორგი კოდუას, რომელმაც განუცხადა, რომ გუშინ ესაუბრა ძმას, რა დროსაც კრიმინალური პოლიციის დეპარტამენტის უფროსმა აღნიშნა, რომ თუკი მოსთხოვდნენ, დატოვებდა თანამდებობას. 

შეგახსენებთ, რომ ოფიციალური ინფორმაციით, 2007 წლის 23 დე­კემბერს საქართველოს ხელისუფლების დამხობის გეგმის დეტალების გან­სახილველად ერეკლე კოდუა ლონდონში ჩავიდა და არკადი პატარკაციშ­ვილს შეხვდა, სადაც კოდუას კონკრეტული დავალება შინაგან საქმეთა მინისტრის ნეიტრალიზების გეგმის ჩათვ­ლით განისაზღვრა. ოფიციალური ინფორმაციის თანახმადვე, სანაცვლოდ კოდუამ პატარკაციშვილისგან ფინანსური და პოლიტიკური გარანტიები მიიღო, საუბარი კი ერეკლე კოდუამ ფარუ­ლად ჩაიწერა. 

შემდეგში პატარკაციშვილისა და კოდუას საუბრის ფარული აუდიოჩანაწერი დაედო საფუძვლად ბადრი პატარკაციშვილისა და ვალე­რი გელბახიანის ბრალდებას საქართველოს კონსტიტუციური წყობილების ძალადობით შესაცვლელად შეთქმულების მომზადების ფაქტზე.  

მაშინდელმა სახალხო დამცველმა, სოზარ სუბარმა რეკომენდაციითაც მიმართა საქართველოს იუსტიციის მინისტრს ზურაბ ადეიშვილს იმის გამო, რომ არ მოხდეს დაუშვებელ მტკიცებულებებზე დაყრდნობით ვალერი გელბახიანის ბრალდება, კოდუა-პატარკაციშვილის საუბრის ფარული აუდიო­ჩანაწერი არ დაედოს საფუძვლად ვალერი გელბახიანის საბრალდებო დასკვნას.

გარდა ამისა, ივანიშვილის კუთვნილი “ქართუ ბანკი” ერეკლე კოდუას დედის – ლაურა ღაჭავას კომპანიებისთვის გაცემული სესხების შედეგად ბოლო თვეების განმავლობაში 27 მილიონი დოლარით აზარალა.