საქართველოს მთავარი პროკურატურის ცნობით, დღეს, 14 დეკემბერს ნაციონალური მოძრაობის წევრს, გივი თარგამაძეს საკუთარი ავტომობილის აფეთქების საქმის მასალებს თბილისის პროკურატურაში გააცნობენ.

“როგორც ცნობილია, გივი თარგამაძის ავტომანქანის აფეთქების ფაქტზე გივი თარგამაძე დაზარალებულად იქნა ცნობილი. დღეს, 14 დეკემბერს, გივი თარგამაძის პროკურატურაში საქმის მასალების გაცნობის შესაძლელობა მიეცემა,”- განუცხადეს ნეტგაზეთს საქართველოს მთავარი პროკურატურის პრესსამსახურში.

ავტომობილი, რომელშიც პარლამენტის მაშინდელი დეპუტატი, გივი თარგამაძე მძღოლთან ერთად იმყოფებოდა, 4 ოქტომბერს, საღამოს 9 საათზე, თბილისში, კოლმეურნეობის მოედანზე ააფეთქეს.  აფეთქების შედეგად 4 ადამიანი დაშავდა.