“ეს გადაწყვეტილება მიღებული იქნა დაუყოვნებლივ მას შემდეგ, რაც ცნობილი გახდა ამ პირების მიმართ პოლიტიკური და სისხლისსამართლებრივი პასუხისმგებლობის საკითხის დაყენების შესახებ გლდანის N8 საპრყრობილეში მომხდარი ადამიანის უფლებების დარღვევის ფაქტების გამო”, – ნათქვამია განცხადებაში, რომელსაც “ერთიანი ნაციონალური მოძრაობა” ავრცელებს.
დავით ჭაკუას 2012 წლის 8 აგვისტოს 9300 ლარი აქვს გადარიცხული მმართველი პარტიის ანგარიშზე, მკურნალიძეს კი – 6300 ლარი.
შეგახსნენებთ, რომ პატიმართა წამების ამსახველი ვიდეომასალის გამოქვეყნების შემდეგ, 19 სექტემბერს სასჯელაღსრულების მაშინდელმა მინისტრმა ხათუნა კალმახელიძემ თანამდებობიდან დაითხოვა სასჯელაღსრულების დეპარტამენტის უფროსი დავით ჭაკუა, ხოლო ჭაკუას მოადგილეს – გაგა მკურნალიძეს ბრალი არაადამიანური მოპყრობის მუხლით აქვს წაყენებული და მას 4-დან 6 წლამდე პატიმრობა ემუქრება. მკურნალიძეს აღკვეთის ღონისძიების სახით პატიმრობა აქვს შეფარდებული.