კითხვაზე, ვისი აზრია თქვენთვის ყველაზე მნიშვნელოვანი, რომ ჩათვალოთ, არჩევნები კარგად ჩატარდა თუ არა, გამოკითხულთა უმრავლესობა, 44% მიიჩნევს, რომ მისი საკუთარი მოსაზრებაა მნიშვნელოვანი.
ცენტრალური საარჩევნო კომიისიის აზრი მნიშვნელოვნად მიაჩნია გამოკითხულთა მხოლოდ 13%-ს, ხოლო უცხოელი დამკვირვებლების აზრი 27%-სთვისაა მნიშვნელოვანი.
უცხოელ დამკვირვებლებზე მეტად გამოკითხულებს მათ ირგვლივ მყოფი ხალხის აზრი მიაჩნიათ მნიშვნელოვნად – ასეთია 29%. გამოკითხულთა 22 % კი არჩევნების ჩატარების ხარისხს იმ პოლიტიკური პარტიის მიეხდვით შეაფასებს, რომელსაც მხარს უჭერს.
ქართულ არასამთავრობო სადამკვირვებლო ორგანიზაციების აზრი 11%-ს მიაჩნია მნიშვნელოვნად.
ივნისში ჩატარებული საზოგადოებრივი აზრის კვლევის შედეგები თემაზე “საზოგადოების განწყობა საქართველოში” ეროვნულ-დემოკრატიულმა ინსტიტუტმა (NDI) მედიას 10 ივლისს წარუდგინა.
NDI-ის კვლევის საველე სამუშაოები ჩატარდა 4 ივნისიდან – 22 ივნისის პერიოდში. კვლევის ფარგლებში საქართველოს მასშტაბით 6,299 ადამიანი გამოიკითხა პირისპირ ინტერვიუს წარმომადგელობითი შერჩევის საფუძველზე.
კვლევის საშუალო ცდომილების ზღვარი არის +/- 2%.