პრეზიდენტმა განაცხადა, რომ ააშენებს ახალ ქალაქს, ლაზიკას, რომელიც დაიკავებს საქართველოს სიდიდით მეორე ქალაქის ადგილს და იქნება მესამე პორტი შავ ზღვაზე, იცოდით თუ არა ამ განცხადების შესახებ? ამ შეკითხვაზე გამოკითხულთა 84% პასუხობს, რომ იცოდა, ხოლო 12%–მა პრეზიდენტის ამ განცხადების შესახებ არა იცოდა.
იმ ადამიანთა 54%, ვინც ლაზიკას მშენებლობის შესახებ იცოდა, ქალაქის მშენებლობის ინიციატივას მხარს არ უჭერს, ხოლო 32% ლაზიკას აშენებას ემხრობა.
კვლევაში მოყვანილი ინფორმაციის მიხედვით, ლაზიკას მშენებლობის პირველი ეტაპი 1.5 მილიარდი ლარი ჯდება. ასეთი დანახარჯი, გამოკითხული მოსახლეობის უმეტესობის (44%) აზრით, გამართლებული არ არის. დანახარჯებს გამართლებულად 29% მიიჩნევს.
გამოკითხულთა უმეტესობა (42%) ასევე მხარს უჭერს ლაზიკას მშენებლობის უცხოელი ინვესტორების მიერ დაფინანსებას, ხოლო 30% ლაზიკას მშენებლობის უცხოელი ინვესტორების მიერ დაფინანსების წინააღმდეგია.
NDI-ის კვლევის საველე სამუშაოები 4 ივნისიდან – 22 ივნისის პერიოდში ჩატარდა. კვლევის ფარგლებში საქართველოს მასშტაბით 6,299 ადამიანი გამოიკითხა პირისპირ ინტერვიუს წარმომადგელობითი შერჩევის საფუძველზე.
კვლევის საშუალო ცდომილების ზღვარი არის +/- 2%.
NDI-ის კვლევებს აფინანსებს შვედეთის საერთაშორისო განვითარების თანამშრომლობის სააგენტო (Sida)და ატარებს კავკასიის კვლევითი რესურსების ცენტრი (CRRC).