მაჟორიტარობის დამოუკიდებელი კანდიდატებიდან ყველაზე დიდი შემოწირულობა ბიზნესმენ ილია კოკაიას აქვს მიღებული, რომელიც კენჭს ზესტაფონში იყრის. სახელმწიფო აუდიტის სამსახურის მიერ გამოქვეყნებული მონაცემებით, 20 ივლისიდან – 30 აგვისტომდე პერიოში კოკაიას 58 155 ლარის ოდენობის შემოწირულობა აქვს მიღებული.
ირაკლი შიხიაშვილმა (სამგორი) დროის ანალოგიურ პერიოდში 32 500 ლარი (შეკრებილია ფულადი და არაფულადი სახის შემოწირულობის ჯამური ოდნეობა) მიიღო. ცეზარ ჩოჩელმა – 35 005 ლარი, პროფკავშირების გაერთიანების თავმჯდომარე ირაკლი პეტრიაშვილმა- 26 255 ლარი, დავით ჭანტურიამ -16000 ლარი, არმაზ ახვლედიანმა (ბათუმი) – 8000 ლარი, ზურაბ ჩიქოვანმა-4500 ლარი, პავლე ლაცაბიძემ – 4000 ლარი, სალომე ზურაბიშილმა (მთაწმინდა) – 2498 ლარი.
სახელმწიფო აუდიტის სამსახურის ინფორმაციით, 20 ივლისამდე დამოუკიდებელ კანდიდატებს შემოწირულობა არ მიუღიათ.