ახალი ამბები

პროკურატურა: ყოფილი ცოლის მკვლელობის მცდელობაში ბრალდებულს 7-წლიანი პატიმრობა მიესაჯა

9 სექტემბერი, 2016 • 1201
პროკურატურა: ყოფილი ცოლის მკვლელობის მცდელობაში ბრალდებულს 7-წლიანი პატიმრობა მიესაჯა

საქართველოს მთავარი პროკურატურის ცნობით, ხელვაჩაურის რაიონულმა სასამართლომ  ვაჟა ხოზრევანიძე დამნაშავედ  ცნო ყოფილი მეუღლის განზრახ მკვლელობის მცდელობაში სისხლის სამართლის კოდექსის 111-19-108-ე მუხლით.

“სასამართლო პროცესზე გამოკვლეული მტკიცებულებებით დადასტურდა, რომ 2016 წლის 31 მარტს,  დაახლოებით 08:00 საათზე, ქ. ბათუმში მდებარე საცხოვრებელ სახლში ვაჟა ხოზრევანიძეს ყოფილ მეუღლეთან, მ.ფ-სთან საყოფაცხოვრებო ნიადაგზე ურთიერთშელაპარაკება მოუვიდა, რა დროსაც ვაჟა ხოზრევანიძემ მოკვლის მიზნით, ნაჯახით მ. ფ.-ს თავის ზურგისა და ხელის არეში  სიცოცხლისთვის სახიფათო მრავლობითი ჭრილობები მიაყენა. ვაჟა ხოზრევანიძემ განზრახვის სისრულეში მოყვანა ვერ შეძლო, რადგან ფაქტის შემსწრე პირებმა მას წინააღმდეგობა გაუწიეს. სამართალდამცველებმა ვაჟა ხოზრევანიძე იმავე დღეს შემთხვევის ადგილზე დააკავეს,” – აღნიშნულია პროკურატურის გავრცელებულ განცხადებაში.

ხელვაჩაურის რაიონულმა პროკურატურამ მას ბრალდება საქართველოს სისხლის სამართლის კოდექსის 111-19-108-ე მუხლით წარუდგინა.

ხელვაჩაურის რაიონულმა სასამართლომ ვაჟა ხოზრევანიძე სრულად ცნო დამნაშავედ  წარდგენილ ბრალდებაში და სასჯელის სახედ და ზომად განუსაზღვრა თავისუფლების აღკვეთა 7 წლის ვადით.

 

 

 

მასალების გადაბეჭდვის წესი