ქართველი ძიუდოისტი ავთანდილ ჭრიკიშვილი რიოს 2016 წლის ზაფხულის ოლიმპიადაზე, 81 კილომდე წონით კატეგორიაში ბრინჯაოს მედლისთვის იასპარეზებს. ქართველი სპორტსმენი ნახევარფინალურ შეხვედრაში ამერიკელ ძიუდოისტ ტრევის სტივენსთან დამარცხდა.
სპორტსმენები სხვადასხვა ტურნირის ფარგლებში ტატამზე სულ შვიდჯერ შეხვდნენ და ჭრიკიშვილისთვის დღევანდელი შეხვედრა ამერიკელ ძიუდოისტთან მეორე დამარცხება აღმოჩნდა. წინა ოლიმპიადაზე ქართველი ძიუდოისტი მერვედფინალში სწორედ ტრევის სტივენსონთან დამარცხდა და ასპარეზობას გამოეთიშა.
ბრინჯაოს მედლისთვის ასპარეზობაში ქართველ სპორტსმენს იაპონელი ძიუდოისტი, ტაკანორი ნაგასე გაუწევს მეტოქეობას.
