დღეს, 6 ივნისს საქართველოს ოფიციალური ვიზიტით ეწვევა ამერიკის სახელმწიფო მდივანი ჯონ კერი.
ვიზიტის ფარგლებში ჯონ კერი 14:00 საათზე საქართველოს მთავრობის ადმინისტრაციაში პრემიერ–მინისტრ გიორგი კვირიკაშვილს შეხვდება. შეხვედრის დასრულების შემდეგ გაიმართება საქართველო-ამერიკის სტრატეგიული ქარტიის პლენარული სხდომა, რომელსაც საქართველოს პრემიერ-მინისტრი და აშშ-ის სახელმწიფო მდივანი უხელმძღვანელებენ. აღნიშნული ქარტია მოიცავს თანამშრომლობის ფართო სპექტრს სხვადასხვა სფეროში. შედგება ურთიერთთანამშრომლობის მემორანდუმზე ხელმოწერის ცერემონია. შეხვედრის დასრულების შემდეგ გიორგი კვირიკაშვილი და ჯონ კერი მედიისთვის ერთობლივ განცხადებებს გააკეთებენ.
დღესვე, 17:00 საათზე ჯონ კერი პრეზიდენტ გიორგი მარგველაშვილს შეხვდება.