ნეტგაზეთი | ნადია სავჩენკო რუსეთმა უკრაინის მთავრობას გადასცა ნადია სავჩენკო რუსეთმა უკრაინის მთავრობას გადასცა – Netgazeti

ნადია სავჩენკო რუსეთმა უკრაინის მთავრობას გადასცა

უკრაინის რადას წევრი, ყოფილი სამხედრო პილოტი ნადია სავჩენკო, რომელიც მოსკოვის ციხეში რუსეთის მოქალაქეების მკვლელობის ბრალდებით სასჯელს იხდიდა, უკრაინის მთავრობას გადასცეს. ინფორმაციას ამის შესახებ სააგენტო “როიტერი” ავრცელებს.

სავჩენკოს სანაცვლოდ უკრაინულმა მხარემ რუსეთს უკრაინაში გასამართლებული 2 რუსეთის მოქალაქე- ალექსანდრე ალექსანდროვი და ევგენი ეროფეევი გადასცა. ისინი უკრაინაში ტერორიზმის ბრალდებით გაასამართლეს და მათ 14 წლით თავისუფლების აღკვეთა ჰქონდათ მისჯილი.

ფოტო ტვიტერზე: ნადია სავჩენკოს დედა და და მის დაბრუნებას ელოდებიან.

ნადია სავჩენკო რუსმა სამართალდამცავებმა 2014 წლის ივნისში დააკავეს. გამოძიებამ ერთ წარმოებაში გააერთიანა ორი სისხლის სამართლის საქმე, რომელთა მიხედვითაც უკრაინელ მფრინავს, მოხალისეთა ბატალიონ “აიდარის” მებრძოლს ბრალად ედებოდა რუსი ჟურნალისტების მკვლელობაში მონაწილეობა და რუსეთის ფედერაციის საზღვრის უკანონო გადაკვეთა. განაჩენის გამოტანამდე  20 თვეზე მეტი ხანი იმყოფებოდა პატიმრობაში. 22 მარტს, კი სასამართლომ სავჩენკოს 22 წლით თავისუფლების აღკვეთა მიუსაჯა ჟურნალისტების მკვლელობის ბრალდებით.

განაჩენის გამოცხადების შემდეგ, უკრაინის პრეზიდენტმა პეტრო პოროშენკომ ვლადიმერ პუტინს ნადია სავჩენკოს ორ რუს ჯარისკაცში გაცვლა შესთავაზა. მოგვიანებით, ნადია სავჩენკომ უკრაინაში ექსტრადირების მოთხოვნით შიმშილობა დაიწყო.

6 მარტს, კიევში, რუსეთის საელჩოსთან სავჩენკოს მხარდასაჭერად აქცია მოეწყო. აქციის მონაწილეები დაკავებულის გათავისუფლებას მოითხოვდნენ. 3 მარტს, ნადია სავჩენკომ ციხეში შიმშილობა დაიწყო. რუსულმა სასამართლომ მას 25 წლით თავისუფლების აღკვეთა მიუსაჯა. სავჩენკოს ბრალად ედება ორი რუსი ჟურნალისტის მკვლელობა. ფოტო: EPA/SERGEY DOLZHENKO

6 მარტს, კიევში, რუსეთის საელჩოსთან სავჩენკოს მხარდასაჭერად აქცია მოეწყო. აქციის მონაწილეები დაკავებულის გათავისუფლებას მოითხოვდნენ. 3 მარტს, ნადია სავჩენკომ ციხეში შიმშილობა დაიწყო. რუსულმა სასამართლომ მას 25 წლით თავისუფლების აღკვეთა მიუსაჯა. სავჩენკოს ბრალად ედება ორი რუსი ჟურნალისტის მკვლელობა. ფოტო: EPA/SERGEY DOLZHENKO

ნადია სავჩენკოს გათავისუფლების მოთხოვნით უკრაინაში საპროტესტო გამოსვლები იმართებოდა. ამავე მოთხოვით სამოქალაქო საზოგადოება იკრიბებოდა პოლონეთში, ლიტვაში, ლატვიაში, საქართველოში.

ნეტგაზეთის მასალების სხვა გამოცემებში გადაბეჭდვის წესი
ავტორი