რუსეთის ქალაქ როსტოვში ფლაი დუბაის კუთვნილი სამგზავრო თვითმფრინავის ჩამოვარდნის შედეგად 62 ადამიანი დაიღუპა. მათგან 55 მგზავრი იყო, ხოლო 7 – თვითმფრინავის პერსონალის წევრი.
ჯერჯერობით ავიაკატასტროფის ზუსტი მიზეზი უცნობია, თუმცა BBC-ის ცნობით, ძლიერი ქარი და ცუდი ხილვადობა ერთ-ერთ სავარაუდო ფაქტორად განიხილება. თვითმფრინავმა აეროპორტში დაჯდომა ორჯერ სცადა. მეორე მცდელობისას ის აეროპორტის სიახლოვეს ჩამოვარდა.
თვითმფრინავი რუსეთში დუბაიდან მიფრინავდა. თვითმფრინავში მყოფი ყველა ადამიანი დაიღუპა.
