მოლდოვა 20 ოქტომბერს დაგეგმილი საპრეზიდენტო არჩევნებისა და რეფერენდუმისთვის საზღვარგარეთ, 37 ქვეყანაში 228 საარჩევნო უბანს გახსნის. ეს 78 უბნით მეტია 2021 წლის მოლდოვის საპარლამენტო არჩევნების დროს უცხოეთში გახსნილ საარჩევნო უბნების რაოდენობაზე (მაშინ 150 უბანი იყო).

ყველაზე მეტ საარჩევნო უბანს მოლდოვა იტალიაში (60 უბანი)  გახსნის, მას მოსდევს გერმანია (26 უბანი), საფრანგეთი (20 უბანი), დიდი ბრიტანეთი (17 უბანი), აშშ (17 უბანი), რუმინეთი (16 უბანი), ესპანეთი (11 უბანი) და ირლანდია (10 უბანი). დანარჩენ ქვეყნებში 1-დან 6-მდე საარჩევნო უბნები იხსნება.

2-2 საარჩევნო უბანი გაიხსნება მოლდოველებისთვის უკრაინასა და რუსეთში.

შედარებისთვის, 26 ოქტომბრის საქართველოს საპარლამენტო არჩევნებისთვის ცესკო საზღვარგარეთ, 42 ქვეყნის 53 ქალაქში, 60 საარჩევნო უბანს გახსნის.

26 ოქტომბრის საქართველოს საპარლამენტო არჩევნებისთვის საარჩევნო უბანი უკრაინაში არ გაიხსნება.