პატარიძის ადვოკატის თეიმურაზ მესხის განცხადებით, მისი დაცვის ქვეშ მყოფისთვის ბრალის წასაყენებლად გამოძიებას საკმარისი მტკიცებულებები არ გააჩნდა:
“დაკავებისთვის შეიძლება იყო საკმარისი მტკიცებულება, მაგრამ ბრალის წარდგენისთვის არ იყო, ასე ნებისმიერი ადამიანი შეიძლება დააკავო, მაგრამ მტკიცებულებები უნდა ამას”, – განაცხადა თეიმურაზ მესხმა.
პროკურატურა პატარიძეს ოთხი მუხლით სდებს ბრალს და მისთვის აღკვეთის ღონისძიების სახით დაპატიმრებას ითხოვდა. ერთ-ერთი ბრალდება ბესო სურმავას თავისუფლების აღკვეთაში დახმარება იყო. მას ასევე თანამდებობრივი უფლებამოვალეობის ბოროტად გამოყენება და გამოძალვა ედება ბრალად.
თემურ პატარიძე რამდენიმესაათიანი დაკითხვის შემდეგ ორი დღის წინ დააკავეს.
