ივანიშვილმა ამის შესახებ დღეს, 16 ოქტომბერს, მინისტრთა კაბინეტის სრული შემადგენლობის დასახელებისას განაცხადა, თუმცა პარლამენტის სხდომის დანიშვნის თარიღი პრეზიდენტმა სააკაშვილმა უნდა დაასახელოს. ივანიშვილის თქმით, პრეზიდენტი აღნიშნულ თარიღს დღეს ან ხვალ გამოაცხადებს.
1 ოტომბრის საპარლამენტო არჩევნების შემდეგ საქართველოს 150–წევრიან პარლამენტში, ჯამში, 85 მანდატი მოიპოვა კოალიცია “ქართულმა ოცნებამ”, 65 კი – “ერთიანმა ნაციონალურმა მოძრაობამ”. ახლადარჩეული პარლამენტის თავმჯდომარე “რესპუბლიკელი” დავით უსუფაშვილი იქნება.