ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საერთაშორისო სანქციების გამო, რუსეთი აფხაზეთს ტრანზიტად იყენებს თურქეთში ტვირთის ექსპორტისთვის, შემდეგ კი თურქეთიდან იმპორტისთვის.

ტრანზიტის შესახებ აფხაზეთის დე ფაქტო საბაჟო კომიტეტის წარმომადგენელმა ალიას ლაბახუამ განაცხადა. ინფორმაციას აფხაზური მედია ავრცელებს.

“ამას წინათ რუსეთის ფედერაციიდან თურქეთში გასაგზავნი სატრანზიტო ტვირთით ჩვენთან რკინიგზით ჩამოვიდა 62 კონტეინერი. ეს არ არის პირველი მერცხალი,  რადგან იქამდე სხვა ტრანზიტმაც გაიარა, თუმცა, მცირე რაოდენობით. მოისინჯა გზა. უკანა გზაზე მატარებელი უკვე რუსეთისთვის გათვალისწინებული პროდუქციით გაემგზავრება. თავად საბაჟო გადასახადი არ არის დიდი, მაგრამ მსგავსი პროცედურები ჩვენი ტერიტორიის გავლით უკვე ბევრ რამეზე მეტყველებს”, – თქვა ლაბახუამ.

მისივე განმარტებით, აღნიშნული პროცედურა გათვალისწინებულია აფხაზეთსა და რუსეთს შორის შესაბამისი შეთანხმებით, რომელიც ტვირთების შეუფერხებელ ტრანზიტს ითვალისწინებს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.