გიორგი მღებრიშვილმა ახალი მოადგილეები წარადგინაშინაგან საქმეთა მინისტრმა დღეს საგანგებო ბრიფინგი გამართა. როგორც გიორგი მღებრიშვილმა აღნიშნა, განახლებულ გუნდთან ერთად გააგრძელებს და კიდევ უფრო გაამკაცრებს ბრძოლას დანაშაულის წინააღმდეგ:„შინაგან საქმეთა სამინისტრო და მე, როგორც შინაგან საქმეთა მინისტრი, ჩემს განახლებულ გუნდთან ერთად, საქართველოს მთავრობის მხარდაჭერით, ვაგრძელებთ და კიდევ უფრო ვამკაცრებთ ბრძოლას დანაშაულის წინააღმდეგ!დანაშაული არსებობდა ყოველთვის და არსებობს დღესაც, მაგრამ მთავარია, სახელმწიფო რას უპირისპირებს მას. დანაშაულს ჩვენ ვუპირისპირებთ შეუწყნარებელ პოლიტიკას!ჩვენი მიზანია დანაშაულის წინააღმდეგ ბრძოლაში უფრო ეფექტური შედეგები და უსაფრთხოების კიდევ უფრო მაღალი სტანდარტების დამკვიდრება.ხაზგასმით ვაცხადებ: არანაირი შეღავათი, არანაირი მოწოდება და თხოვნა, ვისი მხრიდანაც უნდა იყოს, არ იქნება გათვალისწინებული, როდესაც საქმე გვაქვს სამართალდამრღვევთან და დამნაშავესთან!მიუხედავად კრიმინალთა დამცველების მხრიდან პოლიციის მიმართ გაჟღერებული პერიოდული ინსინუაციებისა, პოლიცია არც ერთი ნაბიჯით უკან არ დაიხევს! იგი იმოქმედებს კანონის, ადამიანის უფლებების სრული დაცვით და გააგრძელებს უკომპრომისო ბრძოლას დანაშაულთან!ნებისმიერი პირი, რომელიც არ დაემორჩილება პოლიციელის კანონიერ მოთხოვნას და გამოხატავს უპატივცემულობას პოლიციელისადმი, პასუხს აგებს კანონის სრული სიმკაცრით!მე, როგორც შინაგან საქმეთა მინისტრი, ვაცხადებ:ბრძოლა დანაშაულთან იქნება შეურიგებელი, შეუვალი და ჩვენ ერთად ამ გზაზე აუცილებლად მივაღწევთ წარმატებას!“გიორგი მღებრიშვილმა ბრიფინგზე ახალი მოადგილეები წარადგინა.შს მინისტრის პირველ მოადგილედ ბესიკ ამირანაშვილი დაინიშნა. იგი აქამდე შსს-ს აჭარის ა/რ პოლიციის დეპარტამენტის უფროსი იყო. მან შსს-ში საქმიანობა რიგით გამომძიებლად დაიწყო და სხვადასხვა კარიერული ეტაპი გაიარა.შს მინისტრის მოადგილედ ასევე დაინიშნა დავით ვარდიაშვილი, რომელიც სამინისტროში საფინანსო-სამეურნეო მიმართულებას უხელმძღვანელებს. დავით ვარდიაშვილი არის ფინანსისტი და იურისტი, საქართველოს ტექნიკური უნივერსიტეტის ასოცირებული პროფესორი, ტექნიკის მეცნიერებათა დოქტორი და 18 ტექნიკურ-სამეცნიერო ნაშრომის ავტორი.შს მინისტრის მოადგილედ, აგრეთვე, დაინიშნა მერაბ მალანია. იგი დღემდე შსს-ს სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტის დირექტორის თანამდებობაზე მუშაობდა, მანამდე კი შსს-ს მიგრაციის დეპარტამენტის დირექტორი იყო.„ეს არის ჩვენი განახლებული გუნდი. ეს არის პირველი ეტაპი იმ ძირეული საკადრო და სისტემური ცვლილებებისა, რომელიც შინაგან საქმეთა სამინისტროში უახლოეს პერიოდში იგეგმება.მჯერა, რომ ყოველი თქვენგანის, მთელი საზოგადოების მხარდაჭერითა და თანადგომით, ერთად შევძლებთ გავუმკლავდეთ ჩვენ წინაშე მდგარ ყველა გამოწვევას!“ – განაცხადა შს მინისტრმა.

Posted by საქართველოს შინაგან საქმეთა სამინისტრო / Ministry of Internal Affairs of Georgia on Thursday, January 14, 2016