“საქართველო-აფხაზეთის ურთიერთობებში არაფერია გამორიცხული. რუსეთ-აფხაზეთის მხარეს მხოლოდ ერთი საკონტროლო გამშვები პუნქტია, რომელიც ადამიანთა მნიშვნელოვანი ნაკადის გაადადგილებას უზრუნველყოფს. ეს იმას ნიშნავს, რომ საქართველოსთან საზღვარზეც შეიძლება შემცირებული იყოს პუნქტები და ამით ადამიანების თავისუფალ გადაადგილებას ზიანი არ მიადგეს.  ვფიქრობ, ორზე მეტი გამშვები პუნქტი არ უნდა იყოს. იქ, სადაც არ არის მიზანშეწონილი საზღვრის უსაფრთხოების კუთხით, არ უნდა იყოს ისინი,”- ამბობს ხაჯიმბა.

მისივე თქმით, არ არის გამორიცხული, პირველ პერიოდში ამან არასანქცირებული გადაადგილება გამოიწვიოს, თუმცა ამისთვის საჭიროა კონტროლი გამკაცრდეს. 

ხაჯიმბას თქმით,  რუსეთის ფედერაციის საზღვრის დაცვის სტრუქტურებთან ერთობლივი ძალებით დღეს აფხაზეთის უსაფრთხო ცხოვრება უზრუნველყოფილია, თუმცა მაინც “ვხედავთ საქართველოს სპეცსამსახურების მცდელობებს ამ რეგიონის სიტუაციაზე გავლენა იქონიონ.”

კავკაზსკი უზელის კითხვაზე, 2009 წლის ივნისში რატომ იყო აფხაზეთიდან გაეროს მისია გაწვეული, მაშინ, როდესაც აფხაზეთის სხვადასხვა დოკუმენტები გაეროს, როგორც მნიშვნელოვანი ინსტიტუტის, დოკუმენტებს ეფუძნება, რაულ ხაჯიმბა, აფხაზეთის პრეზიდენტი პასუხობს: 

“გაეროს მისია აფხაზეთის ტერიტორიაზე დიდი დროის განმავლობაში იმყოფებოდა, მან თავისი ამოცანა შეასრულა, ისევე როგორც სამშვიდობო ძალებმა, რომლებმაც ბევრი გააკეთეს მშვიდობისა და უსაფრთხოების უზრუნველსაყოფად. დღეს აფხაზეთში გაეროს მისიის დამკვირვებელთა ყოფნის აუცილებლობის საკითხი არ დგას,”- ამბობს ხაჯიმბა. 

	მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.