დელეგაციის წევრებს შორისაა ერიტრეას ელჩი რუსეთში, რომელიც აფხაზეთში პრეზიდენტის მოვალეობის შემსრულებელმა, ვალერი ბგანბამ მიიღო.
“იმედი მაქვს, რომ ისეთი ქვეყნების, როგორიც ერიტრეაა, რომელმაც აფხაზეთის მსგავსი ბედი გამოიარა, ჩვენი ქვეყნის დამოუკდებლობის აღიარებაში ნაბიჯებს გადადგამენ,”- განუცხადა დელეგაციის წარმომადგენლებს ბგანბამ.
“როდესაც თქვენ ყვებოდით აფხაზეთის ისტორიისა და აფხაზი ხალხის ტანჯვის შესახებ, ისეთი შთაბეჭდილება დამრჩა, რომ ერიტრეას შესახებ ყვებოდით,”- განაცხადა ელჩმა თეკლაია მინასიე ასგედომმა.
ელჩის თქმით, სამხრეთ ოსეთისა და ყირიმის შემდეგ, ერიტრეას საგარეო საქმეთა მინისტრი ვიზიტს აფხაზეთშიც გეგმავს.
ერიტრეა აღმოსავლეთ აფრიკაში, წითელი ზღვის სანაპიროზე მდებარეობს. ის 1993 წელს ეთიოპიას გამოეყო.
|
||