დღეს, 21 ნოემბერს, პარლამენტის კომიტეტების დებულებებს დაამტკიცებენ და თავმჯდომარეების მოადგილეებს აირჩევენ.
იურიდიულ საკითხთა კომიტეტის თავმჯდომარის, ეკა ბესელიას ინფორმაციით, არსებული 15 კომიტეტიდან 12-ში ოპოზიციის კვოტით “ნაციონალური მოძრაობის” დეპუტატები იქნებიან წარდგენილი, ხოლო 3 კომიტეტში- “პატრიოტთა ალიანსის” კანდიდატები:
“ჩვენ ამ დღის წესრიგით ვიმუშავებთ და ამის შემდეგ ბიურო მიიღებს ინფორმაცის კომიტეტების დაკომპლექტების შესახებ. ამ კვირაში კომიტეტებს შესაძლებლობა ექნებათ გააგრძელონ საკანონმდებლო მუშაობა. ”
ბესელიას თ1მით, იურიდიულ საკითხთა კომიტეტში მოადგილის პოსტზე “ნაციონალური მოძრაობის” და “პატრიოტთა ალიანსის” კანდიდატებია წარდგენილი:
“პატრიოტთა ალიანსმა” ქალბატონი ნატო ჩხეიძე წარმოადგინა, ხოლო “ნაციონალურმა მოძრაობამ”- ოთო კახიძე. ჩვენ სხდომაზე მივიღებთ გადაწყვეტილებას, რომელს დავუჭერთ მხარს. ”
დებულება უკვე დაამტკიცეს და თავმჯდომარის მოადგილეები აირჩიეს ადამიანის უფლებათა დაცვისა და სამოქალაქო ინტეგრაციის კომიტეტში. სოფიო კილაძის პირველ მოადგილედ გედევან ფოფხაძე აირჩიეს, ხოლო მოადგილეების პოსტზე: რატი იონათამიშვილი და გიორგი ტუღუში.
ადამიანის უფლებათა კომიტეტის სხდომა
