BBC–ის ცნობით, ინგლისელი კინოსა და თეატრის მსახიობი ალან რიკმანი 69 წლის ასაკში კიბოთი გარდაიცვალა.
მან განსაკუთრებით სახელი გაითქვა როლებით: პროფესორი სნეიპი ფილმების სერიიდან ჰარი პოტერზე, ჰანს გრუბერი ფილმიდან კერკეტი კაკალი და ნოტინგჰემის შერიფი 1991 წლის ფილმიდან “რობინ ჰუდი: ქურდების უფლისწული”.
“მსახიობი და რეჟისორი ალან რიკმანი 69 წლის ასაკში კიბოთი გარდაიცვალა. იგი ოჯახის წევრებისა და მეგობრების გარემოცვაში იყო,”– ნათქვამია მსახიობის ოჯახის მიერ გავრცელებულ განცხადებაში.
