Apple 2,29 მილიონი დოლარით დაჯარიმდა

კომპანია Apple ავსტრალიაში 2,25 მილიონი ავსტრალიური დოლარით დააჯარიმეს, რაც 2,29 მლნ აშშ დოლარს შეადგენს.

ipad 3
ipad 3

კომპანია ახალი iPad–ის რეკლამის გამო დაჯარიმდა, რომელსაც სასამართლოს გადაწყვეტილების თანახმად, მომხმარებელი შეცდომაში შეყავდა.

ახალი iPad–ის რეკლამაში ნათქვამი იყო, რომ მომხმარებლებს მეოთხე თაობის (4G) უკაბელო საკომუნიკაციო ქსელით სარგებლობა შეეძლებოდათ, რაც ავსტრალიაში შეუძლებელია.

Apple–ის წარმომადგენლების მტკიცებით, მათ რეკლამაში არ განუცხადებიათ, რომ iPad 3 სრულფასოვნად იმუშავებდა ავსტრალიაში. კომპანია მზად იყო, უკმაყოფილო კლიენტებისთვის ფულადი კომპენსაცია გადაეხადა.

Apple–ის პლანშეტის 4G ქსელში ჩართვა ავსტრალიელმა მომხმარბელმა ტექნიკური შეუთავსებლობის გამო ვერ შეძლო.

4G ქსელის მხარდაჭერა დღემდე სულ რამდენიმე მობილურ ოპერატორს აქვს ამერიკის შეერთებულ შტატებსა და კანადაში.

ნეტგაზეთის მასალების სხვა გამოცემებში გადაბეჭდვის წესი
netgazeti.ge