მარიანა კოტოვა, სოხუმი
აფხაზმა მხატვრებმა სოხუმში ეროვნული სამხატვრო გალერიის შენობის პრობლემისადმი საზოგადოებისა და ხელისუფლების ყურადღების მიქცევა გაურემონტებელ შენობაში გამოფენის გამართვით სცადეს.
აფხაზ მხატვართა კავშირმა გამოფენა იმ მიტოვებულ შენობაში გამართა, რომელიც ჯერ კიდევ 90-იანი წლებიდან გელერიისთვის იყო გამოყოფილი.
პუშკინის ქუჩაზე მდებარე უძველესი შენობა თავიდან კაცთა გიმნაზია იყო, შემდეგ ქალთა გიმნაზიად, ბოლოს კი სამკურნალო დაწესებულებად გადაკეთდა. უკანასკნელი ორი ათწლეულის განმავლობაში კი აქ ნანგრევებია, სადაც იზრდება ხეები, მისი ფესვები კი უკვე კედლებსა და ფუნდამენტშია გადგმული.
მხატვრებს გამოფენისთვის განსაკურებული მზადება არც დაჭირვებია. მხოლოდ შენობისკენ მისვლელი გზა გაკვალეს და ჩამონგრეული აგურისგან გაწმინდეს. კედლებზე კი ის ნახატებიც ჩამოკიდეს, რომლებიც წლების განმავლობაში საცავებში იმტვერებოდა.
ადგილორბრივი ჩინოვნიკების თქმით, სახლმწიფოს არ აქვს შენობის აღსადგენი ფული, თუმცა, არ გამორიცხავენ, რომ უხლოეს მომავალში რუსეთის საინვესტიციო პროგრამის ფარგლებში გარემონტდეს.