ახალი ამბები

ეკოლოგიის სამსახურის ცნობით, ლაგუნა ვერესთან გზის გაფართოების გამო 10 ჭადარს მოჭრიან

15 თებერვალი, 2016 • 1011
ეკოლოგიის სამსახურის ცნობით, ლაგუნა ვერესთან გზის გაფართოების გამო 10 ჭადარს მოჭრიან

თბილისის მერიის ეკოლოგიისა და გამწვანების სამსახურის ინფორმაციით, ლაგუნა ვერეს მიმდებარე ტერიტორიაზე ჭადრის 10 ხე გზის გაფაროების გამო უნდა მოჭრან.

ეკოლოგიის სამსახურის ცნობით, თბილისის მუნიციპალიტეტის მერიის კეთილმოწყობის სამსამსახური გეგმავს ლაგუნა-ვერეს მიმდებარედ არსებული გზის გაფართოებას, რადგან საცობები აღნიშნულ ტერიტორიაზე, განსაკუთრებით პიკის საათებში საკმაოდ აქტუალური პრობლემაა, რაც დისკომფორტს უქმნის, სამოქალაქო და სასწრაფო დახმარებისა და სახანძრო-სამაშველო ბრიგადების ტრანსპორტის დროულ გადაადგილებას.

სამსახურის ცნობით, პიკი საათებში საცობებისას წარმოქმნილი ტრანსპორტის გამონაბოლქვი კიდევ უფრო აბინძურებს ჰაერს და ეკოლოგიურ მდგომარეობას.

ეკოლოგიის სამსახური აცხადებს, რომ პრობლემის მოსაგვარებლად იგეგმება ლაგუნა-ვერეს მიმდებარედ არსებული გზის გაფართოება, გზა არსებული ტროტუარის ხარჯზე გაგანიერდება, რისთვისაც აუცილებელია ტროტუარზე მდგარი ჭადრის 10 ძირი ხის მოჭრა.

ლაგუნა ვერესთან მოსაჭრელი ხეები

ლაგუნა ვერესთან მოსაჭრელი ხეები

მასალების გადაბეჭდვის წესი