ნაციონალური მოძრაობის წარმომადგენლების განცხადებით, დედოფლისწყაროში მათი პარტიის ოფისი წუხელ ცეცხლსასროლი იარაღით დაცხრილეს. ენმ-ს ლიდერები ფაქტის გამოძიებას მოითხოვენ და მმართველი გუნდის წარმომადგენლებს აკრიტიკებენ. ინციდენტის დროს ოფისში არავინ იმყოფებოდა.
შსს-ში ოფისის დაზიანების ფაქტს ადასტურებენ, თუმცა ჯერჯერობით არ ამბობენ არის თუ არა ეს დაზიანება ცეცხლსასროლი იარაღიდან გასროლის შედეგი. გამოძიება სსკ-ს 187-ე მუხლის საფუძველზე დაიწყო, რაც ნივთის დაზიანებას ან განადგურებას გულისხმობს.