ლიბანმა ჰეზბოლას საქმიანობა უკანონოდ გამოაცხადა

ლიბანის მთავრობამ განაცხადა, რომ ჰეზბოლას სამხედრო და უსაფრთხოების საქმიანობა უკანონოდ ცხადდება და ირანის მიერ მხარდაჭერილ ჯგუფს იარაღის ჩაბარებისკენ მოუწოდა.

CNN-ის თანახმად, ეს განცხადება სახელმწიფოს პოლიტიკაში მკვეთრ ცვლილებას წარმოადგენს, რადგან „ჰეზბოლას“ არსებობა უკვე 40 წელზე მეტია, რაც ლიბანის რეალობის ნაწილია. გაურკვეველია, შეუძლია თუ არა მთავრობას ჯგუფის ცალმხრივად აკრძალვა პარლამენტის თანხმობის გარეშე, სადაც „ჰეზბოლასა“ და მის მოკავშირეებს გარკვეული რაოდენობის მანდატები აქვთ.

„სახელმწიფომ მკაფიოდ განაცხადა, რომ სრულად უარყოფს მისი ტერიტორიიდან განხორციელებულ ნებისმიერ სამხედრო მოქმედებას და დაადასტურა, რომ ომისა და მშვიდობის საკითხი მხოლოდ მის კომპეტენციაშია, რაც მოითხოვს პარტიის საქმიანობის აკრძალვას, მის იარაღის ჩაბარებას და პოლიტიკურ საქმიანობაზე გადასვლას“, — განაცხადა ლიბანის პრემიერ-მინისტრმა ნავაფ სალამმა.

მთავრობამ ასევე დაავალა არმიას, აღკვეთოს ისრაელის წინააღმდეგ თავდასხმები და დაიწყოს იარაღის კონფისკაცია. CNN წერს, რომ გაურკვეველია, შეუძლია თუ არა მთავრობას ჯგუფის ცალმხრივად აკრძალვა პარლამენტის თანხმობის გარეშე, სადაც „ჰეზბოლასა“ და მის მოკავშირეებს გარკვეული რაოდენობის მანდატები აქვთ.

მთავრობის განცხადებაში ასევე ნათქვამია, რომ ის უარყოფს და გმობს კვირას ისრაელის წინააღმდეგ განხორციელებულ სარაკეტო თავდასხმას, რომელზეც პასუხისმგებლობა „ჰეზბოლამ“ აიღო.

ცნობისთვის, „ჰეზბოლას” გააქტიურების გამო კონფლიქტი ლიბანზეც გავრცელდა.

ისრაელის თავდაცვის ძალებმა (IDF) ლიბანის დედაქალაქ ბეირუთზე მძლავრი საჰაერო დარტყმები განახორციელეს. ეს ნაბიჯი მოჰყვა ირანის მოკავშირე დაჯგუფება „ჰეზბოლას“ მიერ ისრაელის მიმართულებით გაშვებულ რაკეტებსა და დრონებს, რაც ირანის უზენაესი ლიდერის, ალი ხამენეის მკვლელობის გამო შურისძიებად შეფასდა.