სურსათის ეროვნული სააგენტოს ცნობით, ხორცის ფარშში ვირის დნმ გამოვლინდა.

სააგენტოს განცხადებით, ვირის დნმ ქვემო ქართლში ხორცისა და ხორცპროდუქტების კვლევისას გამოვლინდა.

მათივე ცნობით, ლაბორატორიული კვლევით, სურსათის 2 ნიმუშში ვირის დნმ გამოვლინდა:

• ხორცის ფარში – მწარმოებელი: ი/მ ,,საბირ ჩილდირლი“ (სასადილო), მისამართი: მარნეული, აღმაშენებლის ქ. 2ა (ბაზრის მიმდებარე ტერიტორია), დამზადების თარიღი: 29.10.2025;
• ხორცის ფარში – მწარმოებელი: ი/მ ,,ფამილ მაგაროვი“ (სასადილო), მისამართი: მარნეული, აღმაშენებლის ქ. №2ა (ბაზრის მიმდებარე ტერიტორია), დამზადების თარიღი: 29.10.2025.

სურსათის ეროვნული სააგენტოს განცხადებით, მათი ზედამხედველობით, აღნიშნული სურსათი ამოღებულია რეალიზაციიდან და ბიზნესოპერატორებს შეუჩერდათ საწარმოო პროცესი, მასალები შემდგომი რეაგირებისთვის შესაბამის უწყებებს გადაეცა.