მოსკოვის ოლქის ქალაქ ბალაშიხაში მანქანა აფეთქდა.
აფეთქების ამსახველი ვიდეკადრები სოციალურ ქსელებში და მედიაში ვრცელდება.
წინასწარი ინფორმაციით, რომელიც რუსეთის საგამოძიებო კომიტეტმაც დაადასტურა, აფეთქებას ემსხვერპლა რუსეთის შეიარაღებული ძალების გენერალური შტაბის მთავარი ოპერატიული განყოფილების უფროსის მოადგილე, გენერალ-ლეიტენანტი იაროსლავ მოსკალიკი.
გამოძიება მკვლელობისა და ასაფეთქებელი ნივთიერებებით უკანონო ვაჭრობის მუხლებით დაიწყო. საგამოძიებო კომიტეტის ინფორმაციით, აფეთქება თვითნაკეთი ასაფეთქებელი მოწყობილობით მოხდა.
