ნიდერლანდებში ქალაქ ჰააგაში კომიკოს მიშა ანდღულაძეს ქართველები თავს დაესხნენ. თავდასხმის ამსახველი ვიდეო სოციალურ ქსელში გავრცელდა. კადრებში ჩანს 10-მდე ადამიანი, რომლებიც ქუჩაში საუბრობენ. მოულოდნელად ერთ-ერთს, სავარაუდოდ, ანდღულაძე ურტყამენ.

“რას აკეთებთ?!” – ისმის ანდღულაძის ხმა.

2 მარტს მიშა ანდღულაძემ სოციალურ ქსელში გაავრცელა ვიდეოანონსი, სადაც ჰყვება ჰააგაში, ქართულ რესტორან “სოხუმში” დაგეგმილი კომედიური სთენდაფ საღამოს შესახებ.

თავდასხმის შემდეგ ანდღულაძის კომენტარს ambebi.ge ავრცელებს. გამოცემასთან საუბრისას ანდღულაძე ამბობს, რომ ეს იყო დაგეგმილი და მიზანმიმართული თავდასხმა. მისივე ინფორმაციით, ჰააგაში დაწყებულია გამოძიება.

ანდღულაძე მომხდარს რელიგიური შინაარსის ხუმრობას უკავშირებს.

“კარ­გად ვარ, ყვე­ლა­ფე­რი წეს­რიგ­შია. ჰა­ა­გის პო­ლი­ცია ჩარ­თუ­ლია, იმე­დია, გა­მო­ი­ძი­ე­ბენ. ეს იყო და­გეგ­მი­ლი თავ­დას­ხმა, ათი კაცი ერ­თზე […]

მა­ნამ­დე, სა­ქარ­თვე­ლო­ში, პრო­კუ­რა­ტუ­რა­ში მქონ­და საქ­მე, “სთენ­და­ფის” ერთ-ერთ ხუმ­რო­ბა­ზე, რო­მე­ლიც ეხებოდა რე­ლი­გი­ურ თე­მას, ფა­რი­სევ­ლო­ბას, ჯვრე­ბის უაზ­რო ად­გი­ლებ­ზე აღ­მარ­თვას. შემ­დეგ მე მღვდელ­თა­ნაც მქონ­და ამა­ზე გა­და­ცე­მა­ში სა­უ­ბა­რი. ახლა, თავ­დას­ხმი­სას რო­დე­საც მო­ვიდ­ნენ, თით­ქოს ამა­ზე და­ი­წყეს სა­უ­ბა­რი, მერე გა­და­ვიდ­ნენ პირ­და­პირ ფი­ზი­კურ თავ­დას­ხმა­ზე.

პო­ლი­ცია ჩა­ერ­თო და ჩემი მო­ნა­ცე­მე­ბი აქვთ. ად­რეც იყო ჩემ­ზე თავ­დას­ხმე­ბი, სა­ქარ­თვე­ლოს პრო­კუ­რა­ტუ­რამ ძალი­ან კარ­გად გა­მო­ი­ძია ეს საქ­მე და და­ი­ბა­რეს ის ადა­მი­ა­ნე­ბი. შემ­დეგ მე და­მი­ბა­რეს და მი­თხრეს, შე­გიძ­ლია ქუჩებ­ში თა­ვი­სუფ­ლად იარო და არა­ფე­რი გე­მუქ­რე­ბაო”, – ამბობს ანდღულაძე.

თავდაპირველად, გავრცელდა ინფორმაცია, რომ თავდამსხმელები “ქართული ოცნების” მხარდამჭერები იყვნენ და ძალადობა სწორედ პოლიტიკურად მოტივირებული მიზეზით მოხდა. თუმცა ანდღულაძე ამას უარყოფს.

“რაც მოხ­და, თით­ქოს რე­ლი­გი­ურ ხუმ­რო­ბას ეხე­ბო­და, მაგ­რამ შემ­დეგ, პოს­ტი რაც და­დეს, თით­ქოს მე “ქა­თული ოც­ნე­ბის” მხარ­დამ­ჭე­რებს რუ­სე­ბი ვე­ძა­ხე და ამი­ტომ გა­მის­წორ­დნენ, ეს არის გა­მიზ­ნუ­ლი ტყუ­ი­ლი. მე წი­ნას­წარ დას­კვნებს ვერ გა­ვა­კე­თებ. ეს ჯგუ­ფი მო­ემ­ზა­და წი­ნას­წარ და თავს და­მესხნენ, მე­გო­ბარ­მა გა­და­მარ­ჩი­ნა. ისე­თი აგრე­სი­უ­ლე­ბი იყ­ვნენ, ვერც გა­ვი­გე, რა მოხ­და. ჯერ რა­ნა­ი­რი ქრის­ტი­ა­ნო­ბაა, ათი ერთს და­ეს­ხას თავს […] და მერე იქ ვი­ღა­ცა ჰყვე­ბო­და – ვი­ღა­ცას ტე­ლე­ფონ­ზე ულა­პა­რა­კია, საქ­მე ჩა­ბა­რე­ბუ­ლი­აო… და­გეგ­მი­ლია, შეკ­ვე­თი­ლია თუ რა მი­ზა­ნი ჰქონ­დათ, ვნა­ხავთ… და­ვე­ლო­დოთ გა­მო­ძი­ე­ბას”, – ამბობს ანდღულაძე.