ევროკავშირის წევრები ოთხშაბათს რუსეთის წინააღმდეგ სანქციების მე-16 პაკეტზე შეთანხმდნენ. ამის შესახებ ინფორმაციას “როიტერსი” ავრცელებს.
სანქციები ითვალისწინებს პირველადი ალუმინის იმპორტის აკრძალვას, სათამაშო კონსოლების გაყიდვის შეჩერებასა და აკრძალული გემების სიაში 73 ახალი გემის დამატებას.
სანქციებს ევროკავშირის საგარეო საქმეთა მინისტრები, სავარაუდოდ, ორშაბათს, უკრაინაში რუსეთის შეჭრიდან 3 წლისთავზე დაამტკიცებენ.
„ევროკავშირი უფრო ძლიერ ზომებს იღებს სანქციების თავიდან აცილების მცდელობების წინააღმდეგ. ეს ხდება პუტინის ჩრდილოვანი ფლოტის მეტი გემის უარყოფით და ახალი იმპორტისა და ექსპორტის აკრძალვით“, – დაწერა ევროკომისიის პრეზიდენტმა ურსულა ფონ დერ ლაიენმა X-ზე.
I welcome the agreement on our 16th package of sanctions.
The EU is clamping down even harder on circumvention by targeting more vessels in Putin’s shadow fleet and imposing new import and export bans.
We are committed to keep up the pressure on the Kremlin.
— Ursula von der Leyen (@vonderleyen) February 19, 2025
როგორც როიტერსის სტატიაშია აღნიშნული, ალუმინის იმპორტის აკრძალვა პაკეტის ოფიციალურად დამტკიცებიდან ერთი წლის შემდეგ დაიწყება. ახალი სანქციები ასევე მოიცავს 48 ადამიანისა და 35 ორგანიზაციისთვის აქტივების გაყინვასა და სავიზო შეზღუდვებს.
ევროკავშირი, ასევე, დათანხმდა აკრძალოს ტრანზაქციები რუსეთის პორტებთან და აეროპორტებთან, რომლებიც გვერდს უვლიან შვიდეულის მიერ დაწესებული რუსული ნავთობის ფასს.
ახალი სანქციები კიდევ უფრო მეტ გემს დაამატებს არსებულ 79-გემიან სიას. აღნიშნულ გემებს რუსეთი იყენებს აფასის ზღვარს მიღმა ნავთობის გასაყიდად ან სამხედრო გამოყენებისთვის, მაგალითად, ჩრდილოეთ კორეიდან საბრძოლო მასალის გადასაზიდად.
