ჯონა ლომუს დაღუპვის ოფიციალური მიზეზი ჯერჯერობით არ სახელდება, თუმცა ცნობილია, რომ მას თირკმნლის უკმარისობა ჰქონდა.

ლეგენდარული მორაგბე ინგლისში გამართული მსოფლიო თასის შემდეგ დუბაიში ისვენებდა. ახალ ზელანდიაში სამშაბათს დაბრუნდა. ინგლისში ჩატარებულ მსოფლიო თასზე ლომუმ სხვადასხვა კომპანიის სარეკლამო ღონისძიებებში მიიღო მონაწილოეობა.

ლომუ ახალ ზელანდიაში ქალაქ აუჩქლენდში 1975 წელს დაიბადა. მისი სანაკრებო დებიუტი, 1994 წელს, 19 წლის ასაკში შედგა. ლომუმ ახალი ზელანდიის მორაგბეთა ნაკრებში ასაკობრივი რეკორდის გარდა, გააუმჯობესა რამოდენიმე მსოფლიო შედეგიც. მან 2 მსოფლიო თასზე ითამაშა: 1995 და 1999 წლებში.

ჯონა ლომუმ პირველ მსოფლიო თასზე, სამხრეთ აფრიკის გარდა, ყველა ნაკრებს დაუდო ლელო. 1999 წელს გამართულ მსოფლიო თასზე მან რაგბის მოყვარულებს ახალი მსოფლიო რეკორდი შესთავაზა. მსოფლიო თასის განმავლობაში ლეგენდარულმა სპორტსმენმა 15 ლელო დადო, რაც დღემდე განუმეორებელი შედეგია.