საფრანგეთის მაღალსიჩქარიან სარკინიგზო ქსელზე წინასწარ განზრახული შეტევაა, რამაც სისტემის მნიშვნელოვანი შეფერხება გამოიწვია პარიზის ოლიმპიადის გახსნამდე რამდენიმე საათით ადრე. ინფორმაციას ამის შესახებ სარკინიგზო კომპანია SNCF ავრცელებს.
BBC-ის ცნობით, შეფერხების შედეგად შეჩერებულია არაერთი რეისი, რამაც გამოიწვია რიგები სარკინიგზო სადგურებში. საფრანგეთის ტრანსპორტის მინისტრმა ისაუბრა „კრიმინალურ ქმედებებზე“, რამაც ადამიანთა შვებულებისა და დასვენების გეგმებს პრობლემები შეუქმნა.
SNCF-ის ინფორმაციით, სარკინიგზო ინფრასტრუქტურაზე მიზანმიმართულად გააჩინეს ცეცხლი, რამაც დაზიანება გამოიწვია.
უფრო მეტი დეტალი მომხდარის შესახებ, ამ ეტაპზე უცნობია.
