“ჯანდაცვის კუთხით, რეფერალური სახელმწიფო პროგრამის უწყვეტ და ეფექტიან ფუნქციონირებასთან ერთად, გრძელდება აფხაზეთის რეგიონის დახმარება სათანადო მედიკამენტებითა და ვაქცინებით.

სიახლეს რაც წარმოადგენს – წელს, ჯანდაცვის სამინისტროსთან მჭიდრო თანამშრომლობით, ცვლილებები განხორცილდა საქართველოს მთავრობის 3 დადგენილებაში, რის შედეგადაც ჯანდაცვის სფეროში მოქმედი სხვადასხვა სახელმწიფო პროგრამა, იქნება ეს ც-ჰეპატიტის, დიალიზის, ბავშვთა ონკო-ჰემატოლოგიური მომსახურების, დიაბეტის თუ სხვა მნიშვნელოვანი მიმართულებით, ხელმისაწვდომი გახდა ოკუპირებულ რეგიონებში მცხოვრები, ნეიტრალური პირადი ნომრით რეგისტრაციის მქონე პირებისთვის, რაც სამშვიდობო ინიციატივით ჩვენ მიერ დანერგილი მორიგი მექანიზმია”, – განაცხადა თეა ახვლედიანმა პარლამენტში 12 დეკემბრის გამოსვლის დროს.