საქართველოს პროკურატურამ ერთ პირს წარუდგინა ბრალი მოქალაქეთა დიდი ოდენობით თანხების თაღლითურად დაუფლების ფაქტზე.
შსს-ს გამოძიების თანახმად, ბრლადებული ტურისტული სააგენტოს გამოყენებით ათობით მოქალაქეს გარკვეული თანხის სანაცვლოდ ტურების ორგანიზებას დაჰპირდა და დანაშაულებრივი გეგმის შესაბამისად, „28 მოქალაქის კუთვნილ ფულად თანხას – 61 200 ლარს მოტყუებით დაეუფლა“.
ბრალდებული 6 ნოემბერს დააკავეს. მას ბრალდება წარედგინა: საქართველოს სსკ-ის 180-ე მუხლის მე-2 ნაწილის „ბ“ ქვეპუნქტით (თაღლითობა, რამაც მნიშვნელოვანი ზიანი გამოიწვია) და ამავე მუხლის მე-3 ნაწილის „ა‘ და „ბ“ ქვეპუნქტებით (თაღლითობა, ჩადენილი სამსახურებრივი მდგომარეობის გამოყენებით, დიდი ოდენობით). ბრალდებულს ემუქრება ექვსიდან ცხრა წლამდე პატიმრობა.
ამასთან ერთად, პროკურატურა აღნიშნავს, რომ გამოძიება გრძელდება სხვა დანაშაულებრივი ეპიზოდების დადგენის მიზნით.