ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ანექსირებული ყირიმის ყველაზე დიდ ქალაქში, სევასტოპოლში რუსული ფლოტის ანტისანაღმო გემი აფეთქდა, იტყობინება ადგილობრივი ტელეგრამ-არხი „კრიმსკი ვეტერ“.

კერძოდ, აფეთქდა სადაზვერვო ჰიდროგრაფული ანტისანაღმო გემი „ვლადიმერ კოზიცკი“, რომელიც დაკავებულია ნაღმების ძებნით. ის სულ რაღაც 4 წელია, რაც ირიცხება რუსეთის შავი ზღვის ფლოტში.

„კრიმსკი ვეტერ“, თვითმხილველებზე დაყრდნობით, წერს, რომ გემი სევასტოპოლის ზღვის უბეში, რეიდის დროს უცებ აფეთქდა. არსებული ცნობებით, ბოლი სამანქანო განყოფილებიდან ამოვიდა. აფეთქებიდან მალევე გემი გადაიყვანეს სტრელეცკის ზღვის უბეში.

ბოლო დროს ოკუპირებულ ყირიმში რუსული სამხედრო-საზღვაო ძალების არაერთი გემი ააფეთქეს და დააზიანეს, რის შემდეგაც ცნობილი გახდა აფხაზეთში რუსული საზღვაო ბაზის შექმნის გეგმის შესახებ.

ამ თემაზე:

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.