აშშ-ის სახელმწიფო მდივანი, ენტონი ბლინკენი უახლოეს დღეებში ისრაელში ჩავა. CNN-ის ინფორმაციით, ვიზიტის მიზანი ინფორმაციის ადგილზე გაცნობა და იმის გარკვევაა, როგორ შეუძლია აშშ-ს ისრაელის უფრო აქტიური მხარდაჭერა.
“სახელმწიფო მდივანი მოუთმენლად ელის ისრაელის ხელისუფლების ლიდერებთან შეხვედრას იმ საუბრის გასაგრძელებლად, რომელიც პრეზიდენტს ჰქონდა მათთან”, – განაცხადა მეთიუ მილერმა, სახელმწიფო დეპარტამენტის სპიკერმა 10 ოქტომბერს.
აშშ-ის პრეზიდენტი ჯო ბაიდენი ისრაელის პრეზიდენტს, ბენიამინ ნეთანიაჰუს სამშაბათს, 9 ოქტომბერს ესაუბრა. სატელეფონო საუბრის შემდეგ ბაიდენმა განაცხადა, რომ ისრაელს, ისევე როგორც ნებისმიერ ერს მსოფლიოში, უფლება აქვს თავდასხმას უპასუხოს. მისივე თქმით, აშშ მხარს დაუჭერს ისრაელს საკუთარ მოქალაქეების უსაფრთხოების დაცვაში.