შეკვეთილში, მდინარე ნატანებზე, ძლიერი წვიმის გამო ჩაინგრა ხიდის სავალი ნაწილი.

გზის დაზიანებულ მონაკვეთზე აიკრძალა ყველა სახის ავტოტრანსპორტის მოძრაობა, იტყობინება საავტომობილო გზების დეპარტამენტი.

„ძლიერი წვიმის გამო, შიდასახელმწიფოებრივი მნიშვნელობის შეკვეთილი- ქობულეთი-ჩაქვი-მახინჯაურის (გვირაბის შემოსავლელი) საავტომობილო გზის კმ0+400 მონაკვეთზე, შეკვეთილში, მდინარე ნატანებთან არსებული ხიდის სავალი ნაწილი დაზიანდა. აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა“, – ნათქვამია განცხადებაში.

უწყების განცხადების თანახმად, შემთხვევის ადგილზე მივიდნენ სპეციალისტები, რის შემდეგაც დაიწყება ხიდის აღდგენა. აღდგენამდე ტრანსპორტი გრიგოლეთი-ქობულეთის შემოვლითი ავტობანის გავლით შეძლებს გადაადგილებას და არა — ციცინათელას პარკის გავლით.

გარეკანის ფოტო: © ტელეკომპანია გურია