ჩოხატაური-ოზურგეთის გზაზე ხიდი ჩაინგრა, რის გამოც ყველა სახის ტრანსპორტის მოძრაობა აკრძალულია. ამის შესახებ ინფორმაციას საავტომობილო გზების დეპარტამენტი ავრცელებს.
მათივე ცნობით, საჯავახო-ჩოხატაური-ოზურგეთი-ქობულეთის საავტომობილო გზის 31-ე კმ-ზე, სოფელ ბუკნართან, ადიდებულმა ხევმა არსებული მილხიდი და გზის სავალი ნაწილი დააზიანა.
მათივე განცხადებით,ამ ეტაპზე, შესაბამისი ტექნიკის მობილიზება მიმდინარეობს და დაზიანებული გზის აღდგენის სამუშაოები უმოკლეს ვადებში დაიწყება.
