სომხეთის პრემიერ-მინისტრის, ნიკოლ ფაშინიანის ცოლი, ანა აკობიანი კიევში, 6 სექტემბერს მენტალური ჯანმრთელობის საკითხებისადმი მიძღვნილ, ქვეყნების პირველი პირების მეუღლეების სამიტზე მონაწილეობას მიიღებს. კიევში დღევანდელ სამიტს თავად უკრაინის პრეზიდენტი, ვოლოდიმირ ზელენკსი გახსნის.
სომხური მედიის ცნობითვე, ანა აკობიანი კიევში ჰუმანიტარულ დახმარებას ჩაიტანს.
როგორც azatutyun.am წერს, უკრაინაში ომის დაწყებიდან ეს პირველი შემთხვევაა, როდესაც სომხეთმა უკრაინას ჰუმანიტარული დახმარება ჩაუტანა. რამდენიმე თვის წინ კი ნიკოლ ფაშინიანმა განაცხადა, რომ სომხეთი რუსეთ-უკრაინის ომში, რუსეთის მოკავშირე არაა.
