შოვში სტიქიის ზონაში ნაპოვნი 15 ცხედრიდან ამ დროისთვის 7 ამოცნობილია. ამის შესახებ ნეტგაზეთს საგანგებო სიტუაციების მართვის სამსახურში განუცხადეს.
არსებული ინფორმაციით, იდენტიფიცირებულთა შორისაა: გიორგი გოგინაშვილის, უკრაინის მოქალაქის ალინა პოლიკოვსკასიას და რუსეთის მოქალაქე ქსენია ტრიჩევას ცხედრები.
როგორც მთავრობის წარმომადგენლები აცხადებენ, ვინაიდან ცხედრები დაზიანებულია, მათ ამოსაცნობად აღებული იქნება დნმ-ის ანალიზიც.
დღეს, 5 აგვისტოს, დილიდან შოვში სტიქიის ზონაში 4 ცხედარი იპოვეს. ამ დროისთვის შოვში სტიქიის ზონაში დაღუპულთა რიცხვი 15-ს აღწევს.
როგორც ნეტგაზეთს საგანგებო სიტუაციების მართვის სამსახურში განუცხადეს, ამ დროისთვის სტიქიის ზონაში 20 ადამიანს ეძებენ.
რაჭაში, შოვში, სტიქიის ზონაში, მესამე დღეა, სამაშველო სამუშაოები მიმდინარეობს. 3 აგვისტოს, შოვში მეწყერის ჩამოწოლას მოჰყვა მსხვერპლი და ამ დრომდე ეძებენ სტიქიის ზონაში მოყოლილ ადამიანებს.
თვალი მიადევნეთ მოვლენების განვითარებას სტიქიის ზონიდან. ნეტგაზეთი ამ სტატიაში სიახლეებს პერიდოულად განაახლებს.