რუსეთის შეიარაღებული ძალების მიერ ხერსონის დაბომბვის შედეგად საავადმყოფოს შენობა დაზიანდა — ერთი ექიმი დაიღუპა, მედდა დაიჭრა.
ინფორმაციას ამის შესახებ ქალაქის სამხედრო ადმინისტრაციის უფროსი რომან მროჩკო და ხერსონის საოლქო პროკურატურა ავრცელებენ.
„დარტყმა მოხდა ჯანდაცვის ერთ-ერთ დაწესებულებაზე, რის შედეგადაც გარდაიცვალა ახალგაზრდა ექიმი, რომელიც რამდენიმე დღეა ოფისში მუშაობდა. ასევე, დაჭრეს ექთანი, რომლის სიცოცხლისთვის ახლა ჩვენი ექიმები იბრძვიან“, — თქვა მროჩკომ.
ფოტო: ხერსონის სამხედრო ადმინისტრაციის ხელმძღვანელის ტელეგრამ არხიდან
გამოძიების ინფორმაციით, ხერსონის დაბომბვის მსხვერპლთა რაოდენობა ზუსტდება. დაზიანებულია საავადმყოფოს შენობა და მანქანები.
