პოლონეთის პოლიციის ცნობით, ქალაქ ჟირარდოვში საქართველოს 25 წლის მოქალაქემ ორი ადგილობრივი დაჭრა.
სამართალდამცავების ცნობით, შემთხვევა 16 ივლისის მოხდა. განცხადებაში არაა ნათქვამი, პოლიციას რა ვერსია აქვს ბრალდებულის მოტივებზე.
დანაშაულის ადგილზე მისულმა პოლიციელებმა იგი ადგილზე ვერ ნახეს, თუმცა მოგვიანებით დააკავეს. მოსამართლემ აღკვეთის ღონისძიების სახით მას სამთვიანი პატიმრობა მიუსაჯა.
ბრალდებულს ჯანმრთელობისთვის მძიმე ზიანის მიყენებას ედავებიან. დამნაშავედ ცნობის შემთხვევაში მას, სულ მცირე, სამწლიანი პატიმრობა ემუქრება.
