მოლდოვის მთავრობა აპირებს „დამოუკიდებელ სახელმწიფოთა თანამეგობრობის“ [დსთ] ფარგლებში გაფორმებული კიდევ სამი შეთანხმების დენონსაციას (ცალმხრივად შეწყვეტას). შესაბამისი გადაწყვეტილება 12 ივლისს მოლდოვის მთავრობამ მიიღო.
კერძოდ, დენონსაციას კიშინიოვი უპირებს:
- 1997 წლის შეთანხმებას დსთ-ის ქვეყნებში მცირე ბიზნესის მხარდაჭერასა და განვითარებაზე;
- 1997 წლის შეთანხმებას ერთიანი საგანმანათლებლო სივრცის ფორმირებისთვის თანამშრომლობაზე;
- 1994 წლის შეთანხმებას სასაზღვრო ჯარებისთვის სპეცტექნიკისა და სხვა ნივთების შეღავათიან გადაცემაზე.
მოლდოვამ, ევროკავშირის წევრობის კანდიდატმა, პირველი ნაბიჯები სსრკ-ის ერთგვარ მემკვიდრედ შექმნილ დსთ-დან გამოსვლის ამ წლის დასაწყისში გადადგა – უკვე გამოვიდა ათობით შეთანხმებითან და დატოვა პარლამენტთაშორისი ასამბლეა. მოლდოვამ მკვეთრად პროდასავლური კურსის გატარება დაიწყო მას შემდეგ, რაც პრეზიდენტად მაია სანდუ აირჩიეს.