მიხეილ სააკაშვილის ადვოკატი ნიკა გვარამია დაცვის მხარის არასწორ სტრატეგიებზე საუბრობს.

გვარამიას თქმით, არასწორი იყო სრულად გადართვა ჯანმრთელობის მიმდინარე მდგომარეობაზე. ასევე, გვარამიას არასწორად მიაჩნია განცხადება სააკაშვილის საქართველოს პოლიტიკიდან წასვლაზე; ასევე, სტრასბურგში დროებითი ღონისძიების მოთხოვნა.

„1. არ უნდა მოხსნილიყო/გაბუნდოვანებულიყო მთავარი ხაზი – პოლიტპატიმრობა და არაჰუმანური მოპყრობა, და არ მომხდარიყო სრულად გადართვა ჯანმრთელობის მიმდინარე მდგომარეობაზე;

2. არ უნდა ყოფილიყო განცხადებები მიშას საქართველოს პოლიტიკიდან წასვლაზე – ან რატომ უნდა წავიდეს, ან რისთვის გაკეთდა ეს განცხადებები საერთოდ, თეორიულადაც ვერაფრის მომტანი, უკუეფექტის გარდა;

3. სტრასბურგში დროებითი ღონისძიების მოთხოვნა იყო, ჩემი აზრით, მცდარი. უარი ამაზე 99%ით პროგნოზირებადი იყო სტრასბურგის პრაქტიკის გათვალისწინებით, და არა იმის გამო, რომ სააკაშვილის მდგომარეობა სტრასბურგმა მძიმედ არ მიიჩნია. სასამართლოს უარი კი სწორედ ასე “გაყიდა” ოცნების პროპაგანდამ – “სტრასბურგმა დაადგინა, რომ არაფერი არ ჭირს”, რაც ცხადია ტყუილია, მაგრამ იმუშავა“, – წერს გვარამია ფეისბუკზე.

• „საბოლოო გადაწყვეტილება არაა, პროცესი გრძელდება“ – სააკაშვილის მხარე სტრასბურგზე
• სააკაშვილის გამო ზელენსკი საქართველოს ელჩს თბილისში აგზავნის
• ყოფილი მოსამართლის თქმით, სააკაშვილს გლდანის ციხეში გადაყვანისას არაადამიანურად ეპყრობოდნენ