შეერთებული შტატების სახელმწიფო მდივანი ჰილარი კლინტონი აღმოსავლეთ ევროპასა და კავკასიაში მოგზაურობას  საქართველოში სტუმრობით დაასრულებს. 

ხუთდღიანი ტურის დროს ის უკრაინას, პოლონეთს, აზერბაიჯანს და სომხეთს უკვე ესტუმრა.

ქალბატონი კლინტონი მიხეილ სააკაშვილის მთავრობას ეტყვის, რომ მას კვლავ აქვს შეერთებული შტატების მხარდაჭერა.

აშშ მუშაობს ურთიერთობების გაუმჯობესებაზე რუსეთთან, რომელიც ორი წლის წინათ საქართველოს წინააღმდეგ ომში იბრძოდა.

დავა

ქალბატონი კლინტონი საქართველოს ვიცე პრეზიდენტ ჯო ბაიდენის ვიზიტიდან 12 თვის შემდეგ ეწვევა.

მაშინ სააკაშვილმა აშშ–ს უფრო განვითარებული შეიარაღების მიწოდება სთხოვა – თხოვნა, რომელზეც აშშ–მ უარი თქვა.

წელს ქართველი ჩინოვნიკები ამბობენ, რომ აღნიშნული საკითხი დღის წესრიგში არ შედის.     

აზერბაიჯანსა და სომხეთში შეერთებული შტატების სახელმწიფო მდივანმა მოლაპარაკებები გამართა მთიანი ყარაბახის ხანგრძლივი დავის დასრულების წინადადების ირგვლივ.

კლინტონმა, რომლის ვიზიტიც ამ ორ ქვეყანაში ერთი დღის განამავლობაში განხორციელდა, მათ განუცხადა, რომ შეერთებული შტატები მზადაა, მათ მშვიდობის მიღწევაში დაეხმაროს.

ორ ქვეყანას შორის ტერიტორიული დავა 1994 წლის ცეცხლის შეწყვეტის შესახებ მიღწეული შეთანხმების შემდეგ გრძელდება. ამ დოკუმენტმა დაასრულა სამწლიანი ომი, რომელსაც 30 000 ადამიანის სიცოცხლე შეეწირა.  

ქალბატონმა კლინტონმა ასევე მოუწოდა თურქეთს სომხეთთან ურთიერთობის დარეგულირებისკენ.