ანნა ძიაპშიპას ფილმს „ავტოპორტეტი ზღვარზე” გადაეცა ჟიურის პრიზი საერთაშორისო კინოფესტივალზე „Visions du Réel”. სურათი მონაწილეობდა საშუალო და მოკლემეტრაჟიანი ფილმების საერთაშორისო კონკურსში.
„პირადი ტრავმული მოგონებებით, რომლებიც გადაჯაჭვულია იდენტობასთან და ახლო წარსულში მის სამშობლოში მომხდარ უფრო ვრცელ სოციო-ისტორიულ კონფლიქტებთან, რეჟისორი ახორციელებს ფაქიზ კვლევას, არქივული და დოკუმენტური მასალის გამოყენებით. რეჟისორი იყენებს ძლიერ მეტაფორებს, რათა შექმნას განსაკუთრებული კინოენა, რომელიც თავის თავში მოიცავს ზუსტ თხრობასა და ხმოვანებას, რომელსაც ამდიდრებს რეჟისორის პირადი ხმა”, – ნათქვამია ჟიურის განცხადებაში.
ფილმში „ავტოპორტრეტი ზღვარზე” ანნა ძიაპშიპა აერთიანებს არქივებსა და ფრაგმენტებს, რათა შექმნას საქართველოსა და აფხაზეთის ურთიერთობის პერსონალური და პოლიტიკური ბიოგრაფია. დოკუმენტური ფილმის შთაგონების წყარო რეჟისორისთვის გახდა საკუთარი, ქართულ-აფხაზური ოჯახის ბიოგრაფია.
ანნა ძიაპშიპა საქდოკ ფილმის ერთ-ერთი დამფუძნებელია.
![„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე](https://netgazeti.ge/wp-content/uploads/2024/03/Untitled-design-4-13.jpg "„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე")
