სოხუმის ცნობით, ენგურის გამშვებ პუნქტზე გადაადგილებაზე 7-9 აპრილს დაწესებული ცალხმრივი შეზღუდვა მოიხსნა. შესაბამისად, აფხაზეთის ტერიტორიიდან საქართველოს კონტროლირებად ტერიტორიაზე გადმოსვლა მოქალაქეებს დღეიდან შეეძლებათ.
ინფორმაციას აფხაზური მედია ავრცელებს დე ფაქტო უშიშროების სამსახურზე დაყრდნობით.
9 აპრილს თბილისში დანიშნული საპროტესტო აქციის გამო, აფხაზურმა მხარემ ქართულ მხარესთან გამშვები პუნქტი ჩაკეტა.